တရားစီရင်ရာနေ့! ဒီဘဝမှာ ပြုခဲ့တဲ့အရာတွေအတွက် အယောက်တိုင်းက တရားစီရင်ခြင်း (အကျိုး) ခံရမယ်ဆိုတဲ့အယူ ဒီကမ္ဘာမှာရှိတဲ့ လူမျိုးတိုင်းမှာ ရှိပါတယ်။ ယေရှုခရစ်တော်က ဒီတရားစီရင်မှုကို ကြံ့ကြံ့ခံရမယ့် ရိုးရိုးရှင်းရှင်းနည်းကို ပေးခဲ့ပါတယ်။

သင် စစ်​ကြော​​ခြင်းမခံရရန် ​ စစ်​ကြောဆုံး​ဖြတ်​ခြင်း​ကို မ​ပြု​နှင့်။” - ရှင်​မဿဲ​ ၇:၁

အခြားလူတွေကို စစ်ကြောဆုံးဖြတ်ခြင်းမရှိတဲ့ဝန်းကျင်မှာ နေထိုင်ရခြင်းဟာ ဘာနဲ့တူမလဲ။ ဒါကဘယ်လိုလုပ်ဖြစ်နိုင်မှာလဲ။ ကျွန်တော်တို့ဟာ လူတွေရဲ့ရုပ်အဆင်း၊ နိမ့်/ မြင့်၊ ဝ/ ပိန်၊ ကိုးကွယ်ယုံကြည်မှု၊ လူရာဝင်မှု၊ ဝင်ငွေ၊ ပညာဂုဏ်တွေကို အတင်းပြောကြပါတယ်။

ဘယ်သူ့ကိုမှ မစစ်ကြောတဲ့ ရှေ့သွားနမူနာယူဖို့ ဒီလိုပြီးပြည့်စုံတဲ့ပုဂ္ဂိုလ်
ကျွန်တော်တို့ ဘယ်မှာရှာတွေ့နိုင်မှာလဲ။

သင်​တို့​သည် ဇာ​တိ​ပ​က​တိ​အ​တိုင်း စီ​ရင်​တတ်​ကြ၏။ ငါ​မူ​ကား”
- ရှင်​ယော​ဟန်​ခ​ရစ်​ဝင် ၈:၁၅

ယေရှုဘုရားက ဘယ်သူ့ကိုမှ မစီရင်ဘူးဆိုတာ ဘယ်လိုဖြစ်နိုင်မှာလဲ။ သူ့ခမည်းတော်အကြောင်း ယေရှုဘုရားဘာမိန့်သလဲဆိုတာ သုံးသပ်ကြပါဦး။

ခ​မည်း​တော်​သည် အ​ဘယ်​သူ​ကို​မျှ တ​ရား​စီ​ရင်​တော်​မ​မူ။ တ​ရား​စီ​ရင်​ခြင်း​အ​ခွင့်ရှိ​သ​မျှ​ကို သား​တော်​အား အပ်​ပေး​တော်​မူ၏။” - ရှင်​ယော​ဟန်​ခ​ရစ်​ဝင် ၅:၂၃

လူတိုင်း တန်ရာတန်ရာကိုရမယ်ဆိုတဲ့ ဘုရားရဲ့တရားစီရင်ခြင်းအကြောင်း ကျမ်းစာမှာလာတယ် မဟုတ်လား။ ဒီအကြောင်းက ယေရှုမိန့်တာတွေနဲ့ ဘယ်လိုသဟဇာတ ဖြစ်ကြသလား။ ကိုယ်ကျရှုံး တဲ့အခါ ကိုယ့်ကိုယ်ကိုအပြစ်တင်တတ်ခြင်း၊ အခြားလူတွေက ကိုယ့်ကို မကောင်းကြံပြီး ဟားတိုက်ကြတာကို ကြံ့ကြံ့ခံနိုင်မယ့်သော့ချက်ကို ရှာကြံပါ။

အပြစ်တင်ခြင်းကင်းစင်တဲ့ ပရမတ်ကို ရှာမှီးပါ။